Léacht Mhic Ghréil ar "Tábhacht na hOibre Óige i Saol na Gaeilge"

Thuas: Éamon Ó Cuív TD, An tAthair Micheál Mac Gréil, Cathaoirleach Feachtas Seán Ó hAdhmaill agus Comhairleoir Cathrach BÁC Críona Ní Dhálaigh ag óráid an Athar Mícheál Mac Gréil an tseachtain seo caite ar "Tábhacht na hOibre Óige i Saol na Gaeilge".

Is leis na Bráithre Críostaí i gCathair na Mart a shaothraigh Mac Gréil a mheánoideachas. Chaith sé na caogaidí ar seirbhís mar dhalta agus mar oifigeach leis na fórsaí cosanta.

Rinne sé staidéar ar an bhfealsúnacht, ar an socheolaíocht agus ar an Diagacht i Louvain, Ollscoil Stáit Kent, i bPáirc an Mhuilinn agus i gColáiste na hOllscoile, Baile Átha Cliath. Bhain sé PhD i Socheolaíocht amach i gColáiste na hOllscoile, Baile Átha Cliath i 1976 agus bhí sé ag feidhmiú i measc na gcaipíní eile a chaith sé, mar léachtóir i Socheolaíocht i Maigh Nuad idir 1971 go dtí 1996.

Thar na blianta tá an tAthair Mac Gréil tar éis saothair shuntasacha oibre a fhoilsiú ar leas fhorbairt na tuisceana sa tsochaí, ina measc, a gcuid taighde ar dhearcaí i leith an iolrachas agus an éagsúlacht, i leith an Lucht Siúil agus i leith na Gaeilge.

Ach is i réimse an obair óige agus a thábhacht a bheidh aitheasc an oíche anocht (an 17ú Deireadh Fómhair) ón Athair Mícheál Mac Gréil dírithe.
Cuimsítear san óráid seo dearcadh Mhic Gréil féin tar éis dó an 30 bliain deireanach a chaitheamh ag obair go deonach sa earnáil óige agus i mí Márta na bliana seo bhronn Feachtas dealbh comórtha air mar cheiliúradh ar an obair luachmhar seo.

 

Scléip na hÓige 2012

Beidh Scléip na hÓige 2012 ar siúl i mbliana ó Dé Máirt an 30ú Deireadh Fómhair go dtí Dé hAoine an 2ú Samhain i Leitir Ceanainn, Co. Dhún na nGall. Tá réimse leathan imeachtaí eagraithe do lucht óg na Gaeilge agus cruinneoidh na céadta Gaeilgeoirí óga ó fud fad na tíre le chéile do mhórimeacht na Gaeilge i gCo. Dhún na nGall.

Is imeacht speisialta é Scéip na hÓige a bhíonn ar siúl gach bliain go háirithe do lucht na Gaeilge agus atá mar chuid d’Oireachtas na Gaeilge a dhíríonn ar an aos óg. Eagrófar imeachtaí éagsúla ar nós Dioscó, Ceolchoirm, Comórtais spóirt, Tráth na gCeist, Paráid agus imeachtaí eile go léir trí mheán na Gaeilge.

 

Tá costas €150 an duine ar Scléip na hÓige agus clúdófar lóistín, taisteal, bia agus an clár imeachtaí ar fad le linn an imeachta. Is do Ghaeilgeoirí óga idir 12-18 bliana d’aois an t-imeacht seo agus iarrtar ar dhaltaí tréaniarracht a dhéanamh a gcuid Gaeilge a úsáid an t-am ar fad.

Má tá aon cheisteanna agat faoin deireadh seachtaine nó má tá foirm iarratais uait ná bíodh drogall ort teagmháil a dhéanamh linn ag 01 6725940 nó is féidir leat ríomhphost a sheoladh chuig ursula.feachtas@gmail.com.

Oráid an Athar Mícheál Mac Gréil

Beidh an tAthair Mícheál Mac Gréil ag tabhairt oráide Dé Céadaoin, an 17ú Deireadh Fómhair, ag a 6.00i.n. ar 'Tábhacht na hOibre Óige i saol na Gaeilge' i gComhdháil Náisiúnta na Gaeilge ar Shráid Chill Dara.
Má tá spéis agat freastal ar an ocáid seo déan teagmháil le Ursula Ní Shionnain trí ríomhphost a sheoladh chuig ursula.feachtas@gmail.com nó cuir scairt ar 01 6725940.

Cuirfear bia agus soláistí ar fáil ar an oíche.

Imeachtaí na Scoilbhliana 2012/2013

Próiseas Comhairliúcháin le Gaeilgeoirí óga

Tá Feachtas Óg-Ghluaiseacht na Gaeilge i mbun próisis chomhairliúcháin faoi láthair le daoine óga atá ag freastal ar mheánscoileanna Gaeilge. Ba mhaith linne do thuairimí a fháil ar cad atá ag teastáil ó lucht óg na Gaeilge i dtaobh imeachtaí trí mheán na Gaeilge. Tá do chomhairle ag teastáil!
Má tá suim ag do scoil páirt a ghlacadh sa phróiseas comhairliúcháin seo déan teagmháil le Ursula trí ríomhphost a sheoladh chuig ursula.feachtas@gmail.com

Imeachtaí na scoilbhliana 2012/2013:

An Cúrsa Ceannaireachta

Reachtáileann Feachtas an Cúrsa Ceannaireachta fud fad na tíre chun scileanna ceannaireachta a theagasc do Ghaeilgeoirí óga na hidirbhliana atá ag freastal ar Ghaelscoileanna agus ar scoileanna Gaeltachta. Is iad aidhmeanna an Chúrsa Ceannaireachta ná chun:

•Ceannairí Óga a fhorbairt chun an Ghaeilge a chur chun cinn ina bpobail féin

•Oiliúint ar chur ar dhaltaí maidir leis na sainscileanna a bhaineann le ceannaireacht

San iomlán bíonn sé uair a chlog i gceist leis an gCúrsa Ceannaireachta agus reáchtáiltear é thar ceithre seachtaine. Fáilteofar roimh iarratais ó Ghaelscoileanna agus scoileanna Gaeltachta a bhfuil suim acu sa chúrsa.

 

 

 

 

An Cúrsa Feasachta Teanga

 

Is cúrsa nua é an Cúrsa Feasachta Teanga a d’fhorbair Feachtas chun tuilleadh eolais a thabhairt do dhaoine óga faoi staid na Gaeilge agus conas tabhairt faoi athbheochan teanga. Sa chúrsa seo pléitear Stair na Gaeilge chomh maith leis na céimeanna a bhaineann le hathbheochan mhionteanga. Pléitear chomh maith na cearta teanga atá ag Gaeilgeoirí agus oibrítear ar phlean teanga leis na daoine óga. Tá an cúrsa seo á reáchtáil le linn na scoilbhliana ar fad agus tá sé dírithe ar dhaltaí idirbhliana sa Gaelscoileanna agus i scoileanna Gaeltachta.

 

 

 

 

An Fáinne

 

Gach bliain taistealaíonn foireann Feachtas chuig scoileanna éagsúla fud na tíre chun Agallamh na bhFáinní a reachtáil le linn Sheachtain na Gaeilge. Cuirtear agallamh deich nóiméad ar an dalta chun a líofacht sa Ghaeilge a mheas agus bronntar fáinne Ór nó Airgead orthu ag braith ar an gcaighdeán Gaeilge. Is agallaimh neamhfhoirmeálta iad Agallaimh na bhFáinní a reachtáiltear chun bród a thabhairt do Ghaeilgeoirí óga don iarracht a dhéanann siad chun ardchaighdeán a bhaint amach sa teanga agus chun cleachtadh a thabhairt dóibh ar dhul i mbun cómhrá Gaeilge. Bíonn táille bheag i gceist do gach dalta a ghlacann páirt sna hagallaimh.

Reáchtáiltear an t-imeacht seo le linn Mhí an Mhárta agus fáiltítear roimh iarratais ó Ghaelscoileanna agus scoileanna Béarla.

 

 

 
 
 
An Cúrsa Eachtraíochta

Le linn laethanta saoire na Cásca freastalaíonn baill Feachtas ar Chúrsa Eachtraíochta sa Chairlinn, áit a eagraítear imeachtaí ar thalamh agus ar uisce do Ghaeilgeoirí óga. Is trí mheán na Gaeilge a stiúirítear an cúrsa seo chun béim a chur ar úsáid shóisialta na Gaeilge taobh amuigh den scoil agus chun seachtain spraoiúl a eagrú do lucht óg na Gaeilge. Is cúrsa taitneamhach agus spreagthach é a theagascaíonn ardscileanna spóirt uisce agus talaimh don duine óg. Ní mór do rannpháirtithe an chúrsa seo ardchaighdeán sa Ghaeilge a bheith acu. Is trí Ghaeilge amháin a reáchtáiltear an cúrsa seo. Tá an cúrsa seo páirt-mhaointhe ag Feachtas.
 
 

 

 

Scléip na hÓige
Is cuid d’Oireachtas na Gaeilge é Scléip na hÓige a eagraítear go speisialta do Ghaeilgeoirí óga. Tagann óg-eagraíochtaí Gaeilge chomh maith le Gaeilgeoirí óga aonaracha ó gach cearn den tír chun bualadh le Gaeilgeoirí óga eile agus chun céiliúradh a dhéanamh ar an nGaeilge. Cuirtear clár imeachtaí le chéile don tseachtain ina mbíonn imeachtaí spóirt agus ceoil, dioscó, díospóireacht agus imeachtaí eile go léir eagraithe trí Ghaeilge. Tógann foireann Feachtas dream ó Bhaile Átha Cliath chuig Scléip na hÓige gach bliain agus glacann muid páirt ghníomhach in imeachtaí na Scléipe. I mbliana reáchtáilfear Scléip na hÓige i Leitir Ceanainn, Co. Dhún na nGall ón 30ú Deireadh Fómhair go dtí an 2ú Samhain.
 
 

 

 

An Turas Teanga

Eagraíonn Feachtas an  Turas Teanga i mBéal Feirste agus i mBaile Átha Cliath do dhaltaí Gaelscoile i rith na scoilbhliana. Tugann na daltaí cuairt ar ionaid agus ar institiúidí lán-Ghaeilge atá ar fáil sna príomhchathracha chun blaiseadh a thabhairt dóibh ar an méad Gaeilge atá le cloisint sna cathracha agus chun an deis a thabhairt dóibh bualadh leo siúd atá ag obair in earnáil na Gaeilge. Cuireann na daltaí aithne orthu siúd atá mar chuid de mhórphobal na Gaeilge chomh maith. Tugtar cuairt ar an gCultúrlann i mBéal Feirste, ar Chonradh na Gaeilge agus ar Fhoras na Gaeilge i mBaile Átha Cliath agus ar na hionaid Ghaeilge eile atá le feiceáil sna príomhchathracha. Déan teagmháil linn inniu chun clárú don Turas Teanga.

 

 

Comórtas Thráth na gCeist

 

Eagraíonn Feachtas comórtas idir-scoileanna Thráth na gCeist fud fad na tíre gach bliain. Eagraítear craobhanna réigiúnda agus tagann na buaiteoirí go Baile Átha Cliath don chraobh deiridh le linn Mhí an Mhárta. Cuirfear tús le comórtas Thráth na gCeist i Mí Deireadh Fómhair. Má tá spéis ag do scoil foireann a chur isteach sa chomórtas i mbliana dean teágmháil linn go luath.

 

 

 

 

An Gael-Fachtóir—Seó Talainne Feachtas

Reachtáileann Feachtas an Gael-Fachtóir le linn Sheachtain na Gaeilge. Tugtar cuireadh do Ghaeilgeoirí óga ó fud fad na tíre páirt a ghlacadh sa chomórtas seo chun €300 a bhuachaint mar chéad duais.  Fáiltítear roimh aon ghníomh ar leith; amhránaíocht, damhsa, drámaíocht, cleasaíocht, srl. Bíonn an Gael-Fachtóir ar siúl i mBarra an Teampaill i mBaile Átha Cliath le linn Mhí an Mhárta.

Chun clárú don chomórtas seo nó chun tuilleadh eolais a fháil, déan teagmháil le hoifig Feachtas.

 

 

Má tá spéis agat nó ag do rang aon imeacht a eagrú trí mheán na Gaeilge, déan teagmháil linn agus cabhróidh muid libh. Ba bhreá linn do chuid smaoineamh féin a chloisteáil agus tacaíocht a thabhairt duit in úsáid shóisialta na Gaeilge a chur chun cinn.

 

 

 

 

 

 

 

 

 

 

 

 

 

 

 

Campa Samhraidh 2012 sa Mhuileann gCearr

Campa Samhraidh Feachtas 2012

                       An turas chuig an gCultúrlann sa Mhuileann gCearr

                            I mbun spóirt leis an gceannaire Ciarán

                        Lucht Feachtais le dealbh Joe Dolan i lár an bhaile

    Ar an mbealach chuig Athlone Leisure World don bhabhláil agus quasar

                                                           

                                           Babhláil in Áth Luain

 An tionscnamh ealaíne - Baile Lochlannach - a rinneadh le ceannaire Mícheál

 
                                           Ióga le ceannaire Ciarán

Ceannaire Ursula leis an gcailín a rinne an iarracht is mó leis an nGaeilge - Laura

Ceannaire Ursula leis an mbuachaill a rinne an iarracht is mó leis an nGaeilge - Caolán

                            Ceannaire Ursula le dalta an champa - Euan

Ag déanamh ealaíne

Campa Samhraidh sa Mhuileann gCearr

Reáchtáilfear Campa Samhraidh Feachtas 2012 i gColáiste Naomh Fhinín sa Mhuileann gCearr ón 9ú go dtí an 13ú Iúil. Is ar dhaoine óga idir 10 agus 15 bliana d'aois atá an campa dírithe.      

Feachtas' Summer Camp 2012 will take place in St. Finian's College in Mullingar from the 9th to the 13th of July. The camp is aimed at young people between the ages of 10 and 15 years old.

Is campa Samhraidh lae Gaeilge é Campa Samhraidh Feachtas a reachtáiltear thar thréimhse seachtaine. Is í phríomhaidhm an chúrsa ná go mbeadh daoine óga tumtha sa teanga Gaeilge don tseachtain agus le deis fhorbartha a dhéanamh ar a gcuid scileanna teanga.
Campa samhraidh Feachtas is an Irish- language day camp run over one week. The main objective of this week long course is to immerse young people in the Irish language and help improve their language skills.

Aidhmeanna an Champa / Aims of the Camp

· Gaeilge a mhúineadh do bhaill an champa i suíomh neamhfhoirmeálta agus spraoiúil/ To teach Irish to camp members in an informal and fun setting

· Cuidiú le forbairt an duine óg/ To assist with the development of the young person

· Go mbainfidh an duine óg taitneamh agus spraoi as an nGaeilge/ For the young person to enjoy and have fun with Irish

 

Feitheoireacht / Supervision

Beidh beirt oifigigh Feachtas ann an t-am ar fad chomh maith le bainisteoir an eagrais agus beirt chinnirí más gá (ag brath ar líon na ndaltaí)

There will be two of Feachtas’officers there at all times as well as the organisation’s manager and two youth workers/leaders if needed (depending on numbers).

Clár Lae an champa/ Daily Time table sample

Reáchtáiltear an campa óna 10r.n. go dtí a 3i.n. Dírítear ar fhoghlaim na teanga, ceardlanna ealaíona agus ceoil. Bíonn sport ar siúl don tráthnóna ina measc:

The camp is run from 10a.m. until 3p.m. Classes focus on learning the language as well as art and music workshops. We also organise sports such as:

Sacar                                                      Soccer

Peil Ghaelach                                        Gaelic Football

Corr                                                      Rounders

Cispheil                                               Basketball

Uni-haca                                             Uni - Hoc

Damhsa Céilí                                      Céilí Dancing

 

 

 

Chun foirm iarratais a fháil, seol ríomhphost chuig ursula.feachtas@gmail.com.

 

Please contact ursula.feachtas@gmail.com for an application form.